Bas Zindagi Ki Rah Mein Chale Chalo

Zindagi ki raahon mein chale chalo

Jo sung chale

Usse le chalo

Jo pichhe rahe ja

Use man mein le chalo

Bas zindagi ki rah mein chale chalo…

 

Kal kisne dekha hai

Woh toh khwab hai

Adhuri palkon mein dabaa raaz hai

Kis pal badal jayein yeh lamhein

Nain swapan roop lekar

Bas zindagi ki rah mein chale chalo…

 

Aaj ka tumhara satya kal chamkega

Sitaron ki bheed mein damkega

Dabne na dena is ehsas ko

Aatm vishwas se poorn chale chalo

Tumhara kal bhi aayega mano

Bas zindagi ki rah mein chale chalo…

 

Kis firaq mein firte ho?

Kis lamhe ko doondte ho?

Khoya toh kuchh bhi nahi hai

Yakeen pe sawaar chale chalo

Yatan ke liye taiyar har pal

Bas zindagi ki rah mein chale chalo…