Chhalak Chhalak.. Chhalak Chhalak..

Chhalak chhalak chhalak chhalak

Paani chhalkega, chhalkega paani

Paani toh bas paani hai

Chahe ho namkeen ya ruhaani!

 

Chhalak chhalak chhalak chhalak

Chhalaktaa jaa raha hai paani

Kaam who karti jaa rahi hai

Ela, Eehita ya Eshaani!

 

Chhalak chhalak chhalak chhalak

Katak katak katak katak

Chaala rahi hai haath

Labh uske kehna chahein koi baat!

 

Chhalak katak, katak chhalak

Chal raha hai falsafaa

Chup chaap chup chaap

Uske naina chhod gaye chhaap!

 

Katak chhalak ya chhalak katak

Kya hai yeh – maine poochhaa

Khamoshi se kahe gayi –

Kya rukh kar tumne socha?

 

Chhalak – shhhh, chhalak – shhhh

Kabhi bhaag-daud, kabhi aaraam

Yeh toh hai hamari kahaani…

Par uske kadamon ko rukhna manaa hai -

Bin kahe, kahe gayi sab kuchh jaise zubaani!

 

Woh jo hai ek aam naari -

Palat kar dekhiye – maa hamaari…

 

 

 

Chhalak chhalak chhalak chhalak

Paani chhalkega, chhalkega paani

Paani toh bas paani hai

Chahe ho namkeen ya ruhaani!